Boodskap vir Vandag

Search
Close this search box.
Search

Óns is nie weg nie!

As ek darem nie geglo het dat ek die goedheid van die Here sal sien in die land van die lewendes nie…! Vertrou op die Here! Wees sterk en hou goeie moed! (Psalm 27:13-14).

In sy outobiografiese boek, “Report to Greco”, vertel die bekende skrywer, Niko Kazantzakis, van sy jeugjare in Kreta en hoe swaar die mense dikwels gekry het.

Ook hoe hulle met durf en waardigheid allerlei rampe en terugslae oorleef het.

Veral een herinnering in dié verband staan uit. Dit was toe ‘n fratsstorm op ‘n dag hulle druiweoes, saam met al hulle gedroogde rosyntjies, binne minute weggespoel en vernietig het.

As nuuskierige kind het hy met die koms van die verwoestende reënbui onmiddellik buitentoe gestorm om te sien wat aangaan. Deurnat en beangs het hy later teruggekeer huis toe.

Daar gekom het hy sy pa by die voordeur gevind, terwyl sy ma in die agtergrond gestaan en huil het. Verward en onseker of sy familie dit al mooi besef het, het hy geskreeu: “Vader, ons druiwe is weg!”

Waarop sy pa kortaf geantwoord het: “Óns is nie weg nie. Bly stil!”

Kazantzakis sluit dan dié gedeelte af met die volgende woorde:

“I never forgot that moment. I believe that it served as a great lesson in the crises of my lfe. I always remembered my father standing calmly, motionless on the threshold, neither cursing, entreating, nor weeping. Motionless, he stood watching the disaster and – alone among all the neighbours – preserved his human dignity.”

Inderdaad ook ‘n belangrike les vir ons wat soms geneig is om kop asook ons waardigheid te verloor wanneer dinge teen ons draai.

Here ons God, dankie vir die gawe van te lewe. Laat ons dit onthou wanneer dinge teen ons draai. Amen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.