Boodskap vir Vandag

Search
Close this search box.
Search

Dít is sy geheim

Soos my Vader my liefhet, het Ek julle ook lief. Julle moet in my liefde bly (Johannes 15:9).

In ‘n wonderlike mooi boekie, “No greater love”, herinner die leier van die beroemde Taizé-gemeenskap in Frankryk ons op ‘n aangrypende manier aan die liefde van God wat in die lewe van Christus sigbaar geword het.

Daar sien ons dat daar inderdaad geen groter liefde was as dit wat Christus teenoor mense bewys het nie.

Sy liefde was ‘n liefde sonder grense of voorwaardes – een waardeur mense telkens verras, oorstelp en onherroeplik verander is.

Die geheim van Christus, so skryf broer Roger, is boonop dat Hy ons eerste liefgehad het. Trouens, die diepste betekenis van ons lewe word daardeur bepaal dat ons mag weet, onmiskenbaar en sonder twyfel, ons is aanvaar, ons word bemin, selfs al voel ons niks, selfs al ervaar ons vandag niks daarvan nie.

Die wéte daarvan is genoeg. Dít moet ons dra. Dít moet ons die vertroue gee om ook ons lewe vandag weer in liefde aan Hom te wy. Om in sy liefde te bly.

En dit kan ons doen deur, om mee te begin, eenvoudig soos broer Roger te bid:

Christus, wanneer ons U soek, ontdek ons dat U ons nog altyd liefgehad het en dat ons dit nie geweet het nie.

Maar deur u Woord gee U ons vandag weer ‘n gevoel van hoe ons U mag liefhê, selfs te midde van ons mees intieme eensaamheid.

Gelukkig is hulle wat vandag van u afhanklik is. Gelukkig is hulle wat op U vertrou. U wat die bron is van ons stille vreugde.

Here, hoor ons wanneer ons vandag soos broer Roger tot U bid. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.