Boodskap vir Vandag

Search
Close this search box.
Search

Die ABC van die Christendom

Hy het toe gou afgeklim en Jesus met blydskap ontvang (Lukas 19:6).

Ek het ‘n vriend wat ‘n arsenaal van stories, treffende aanhalings en segswyses het.

En hy ken hulle almal uit sy kop.

Die mees onlangse een wat hy soos altyd met ‘n breë glimlag vertel het, lui: “Die ABC van die Christelike geloof staan vir ‘Always be cheerful'”.

My vriend kry dit natuurlik van die groot apostel van die Christendom, te wete Paulus, wat dié leuse nie net in soveel woorde teenoor die gemeente in Filippi kwyt geraak het nie (Fil 4:4) – hy was sélf ‘n sprankelende voorbeeld van iemand wat te midde van aaklige omstandighede, altyd vrolik en bly was.

Paulus kry dit natuurlik weer van sy Heer en Meester, Jesus die timmerman van Nasaret wat ook Christus, die gesalfde van God, genoem is. Jesus se koms of sending na die aarde toe word nie verniet as ‘n tyding van groot blydskap aangekondig nie (Luk 2:10).

Want wanneer Hy eenmaal in die openbaar begin beweeg en werk, laat Hy ‘n spoor van vrolike bevryding en blye versekering agter (Luk 19:6). Trouens, die hele doel van Jesus se sending na ons aarde toe, was om lewe te bring – en dit in vrolike oorvloed (Joh 10:10). Ook sodat die droefgeestigheid ons nie oorweldig nie (Joh 15:11, 16:20-22).

Dat Jesus strome van nuwe lewe en blydskap in mense se lewens kon ontsluit, kom weer op uit sy blyvolle verhouding met sy Vader – dié God wie se koninkryk met ‘n bruilofsmaal vergelyk word (Matt 22:1-14).

En wie se grootste behae én blydskap daarin bestaan dat mense ontdek dat hulle God se kinders is wat die lewe elke dag saam met God mag vier (Luk 15:32).

O Here, bewaar ons vandag weer van daardie droefgeestigheid wat ons dag en ons lewe kan bederf. Gee ons u vreugde. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.