Boodskap vir Vandag

Search
Close this search box.
Search

Om eerliker te leef

Ons beste dade is soos vuil klere (Jesaja 64:6).

Advent is ook ‘n tyd van eerlike selfondersoek.

Want die chaos en onreg wat ons daagliks omring, het geensins uit die lug geval nie. Dit is die gevolg van sonde, die vrug van mense se verkeerde keuses, hulle oneerlike bedoelings, bose planne en kwade gedrag.

Hieroor draai Jesaja geen doekies om nie: “Ons het almal geword soos mense wat onrein is, ons beste dade is soos vuil klere, ons is almal soos verdroogde blare.”

Dit wil sê: leeg, nutteloos, misbaar, verganklik, ‘n verleentheid!

Om hierdie siek toestand en verleentheid eerlik in die oë te kyk en te erken, verg nogal moed en durf. Maar dit is waarheen die Skrif ons telkens wil neem. In die woorde van Debie Thomas: “Ons moet toelaat dat die radikale eerlikheid van die Bybel ons ook eerliker maak.”

Dit bly die groot gawe en uitdaging van Advent: dat ons maar hierdie onaangename waarheid oor onsself ruiterlik voor God en ander sal erken.

Sodat God met God se troos en hulp kan kom.

Here, ons is onrein en onwaardig. Kom en genees ons weer. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.