Boodskap vir Vandag

Search
Close this search box.
Search

‘n Gesonde haas

Onmiddellik het hulle die nette gelos en Jesus gevolg (Markus 1:18).

Die Eskom-fiasko leer ons één belangrike les.

Dit is dat van uitstel uiteindelik afstel kan kom. En dat jy nie moet wag tot die krisis jou inhaal en verlam voordat jy handel nie. Jy moet dadelik optree, die probleem vierkantig in die oë kyk en met geloof en oorgawe aanpak.

Hierdie reël geld nie alleen vir groot maatskappye of organisasies nie. Dit geld ook van ons persoonlike lewe. Hoe dikwels val ons nie vas in onsekerheid, selfbejammering of besluiteloosheid nie! En dan word alles moeite, selfs uitsigloos, donker en sonder betekenis.

Nee, daar is altyd lig, betekenis en ander uitweë. Maar dan moet ons nie talm nie. Ons moet handel – nou, dadelik, onmiddelllik.

In dié verband kan ons gerus van die Markus-evangelie leer. Regdeur die verhale is daar sprake van ‘n gesonde haas – by Jesus, sy dissipels, die skare. Luister net: “Dadelik het Hy hulle geroep …” (Mk 1:20); “Onmiddellik het hulle die nette gelos …” (Mk 1:18); “Hulle het reguit na die huis toe gegaan …” (Mk 1:29); “Hy het opgestaan en dadelik sy draagbaar gevat …” (Mk 2:12) en “Toe dit nog nag was, het Hy opgestaan …” (Mk 1:35).

Dit kon ook nie anders nie, want die koninkryk was onder hulle. Daar was werk om te doen.

Net soos vandag.

O Here, bewaar ons van daardie verlamming wat ons lewe onvrugbaar kan maak. Gee ons die moed, geloof en energie om nóú te handel. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.