Boodskap vir Vandag

Search
Close this search box.
Search

Dit gaan om vryheid en heling

Hy het baie siekes wat allerhande kwale gehad het, gesond gemaak en baie duiwels uitgedrywe (Markus 1:34).

Dit bly jammer dat baie mense die Christelike geloof steeds met oordeel en ongesonde skuldgevoelens assosieer.

Wie enigsins moeite doen, sal ontdek dat dit in Jesus se bediening eintlik om presies die teenoorgestelde gegaan het, naamlik om vryheid en heling, liefde en aanvaarding, hoop en geloof.

Dáárvoor het Hy gekom: Om mense in nood te help en aan hulle hulle gesondheid en menswaardigheid terug te gee. Dit het gegaan om vryheid en heling – fisies sowel as geestelik.

Hoe duidelik sien ons dit nie in Markus 1:29-39 nie – ons teks vir die week. Dié teks dui terselfdertyd ook die aard en doel van Jesus se bediening aan.

Daar lees ons hoe ‘n hele dorp met al hulle kwale by Petrus se huis opdaag om Jesus se sien. En hoe Jesus sonder skroom hulle help en genees. Selfs kort daarna met dieselfde doel na ander dorpies vertrek het omdat, in sy eie woorde, Hy dáárvoor gekom het (Mk 1:33-38).

Net iemand wat blind is of onwillig is om dit te glo, kan dít mis.

Here, vergewe dat ons U so misverstaan. Heel ons vandag weer van ons vooroordele en verkeerde persepsies. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.