Boodskap vir Vandag

Search
Close this search box.
Search

‘n Verdagte belydenis

Petrus antwoord Hom: “U is die Christus!” (Markus 8:29).
Hy het egter omgedraai, na sy dissipels gekyk en vir Petrus berispe (Markus 8:33).

Een van die vreemde wendings in die verhaal van Markus 8:27-33, is dat Jesus, kort nádat Hy Petrus se herkenning en belydenis van Hom as die Christus entoesiasties begroet het, Petrus byna onmiddellik daarna kortvat en ernstig berispe (Mark 8:29-33).

Jesus suggereer selfs dat Petrus se poging om Jesus af te dwing van sy kruisweg, niks minder as ‘n duiwelse gedagte is nie (Mark 8:33).

Die enigsins verrassende optrede van Jesus maak ons op ‘n byna onstellende manier daarvan bewus hoe maklik daar ‘n kloof tussen ons belydenis en ons uitlewing daarvan kan groei. Terwyl ons met vroom woorde die Naam van Christus bely, kan ons byna in dieselfde asem met ons dade en optrede daardie belydenis verloën.

Deur ons handelinge wys ons hoe min ons nog regtig van die praktiese implikasies van hierdie belydenis verstaan, met die gevolg dat ons woorde goedkoop word en ons belydenis vals.

Hierop moet ons in die Lydenstyd fyn let.

O Here, vergewe ons dat ons dikwels so dubbelslagtig en vals lewe. Help ons om ons belydenisse daadwerklik uit te leef. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.