Boodskap vir Vandag

Search
Close this search box.
Search

Die bron van ware lewe

“Ek is die Here jou God wat jou uit Egipte, uit die plek van slawerny, bevry het. Jy mag naas My geen ander gode hê nie” (Exodus 20:2).

Die eerste gebod waarin ons gemaan word om naas die God van die Bybel geen ander gode te hê nie, beteken nie dat daar nie ook ander gode bestaan nie.

Trouens ons hart, soos iemand dit eenkeer gestel het, is ‘n fabriek van gode. Net soos Aäron destyds met die goue kalf, skep elke geslag na behoefte sy eie gode.

Veral wanneer ons lewe sin en betekenis verloor en ons sekuriteit begin wankel, het ons dinge nodig wat die leemtes kan vul, ons behoeftes kan bevredig en ons vertroue kan herstel en voed.

En dit kan enigiets wees.

In sy boek met ‘n gelyknamige titel noem Richard Foster drie dinge of magte wat vandag as gode paradeer te wete: seks, mag en geld.

Daar is natuurlik baie meer. TV, sport en selfs ons fiets of selfoon – hoe ontspannend, plesierig en nuttig ook al – kan ‘n soort god word wat ons tyd en aandag op ‘n ongesonde manier opeis.

Die eerste gebod herinner ons daaraan dat die God van die Bybel die ware bron van lewe is, dat in sy weerlose liefde vir mense soos dit in die offer van Christus sigbaar geword het, daar ‘n fontein van lewe opborrel wat uniek en anders is.

Hierdie God vra onverdunde lojaliteit.

Here, God van Abraham, Isak en Jakob, en van Jesus – ons buig vandag weer laag voor U. Ons erken U as ons God, ons enigste God. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.