Boodskap vir Vandag

Search
Close this search box.
Search

Soos iemand wat die boerpot gewen het

Maar ek het alles ontvang en ek het meer as genoeg (Filippense 4:18).

Dit is tog interessant om te sien waaroor Israel alles in die woestyn gekla het.

Behalwe vir Moses en Aäron se leierskap, was dit veral die gebrek aan lekker kos.

Hoor net hoe neul hulle: “Hier is nie brood en water nie. En ons is sat vir hierdie slegte kos” (Num 21:5).

‘n Rukkie vroeër spel hulle dit nog meer pertinent uit: “As ons tog net vleis gehad het om te eet! Ons onthou nog die vis wat ons in Egipte verniet kon eet, ook die komkommers, waatlemoene, prei, uie en knoffel. Maar nou wurg ons. Daar is niks behalwe hierdie manna voor ons nie!” (Num 11:4-6).

Miskien moet ons Israel nie te hard oordeel nie. Gegee ons gerief en baie voorregte, ja, die smaaklike bord kos wat elke dag aan ons voorgesit word, sou ons ook maar soos Israel gewurg het aan die manna – manna wat gelyk het soos balsemgom (Num 11:7).

Die geheim is om altyd dankbaar en vergenoegd te bly, selfs wanneer ons sleg eet, swaarkry en sekere dinge moet ontbeer. Presies soos die man wat min gehad het, maar van wie almal gesê het: “Hy leef gedurig soos iemand wat pas die boerpot gewen het.”

Praat nou van ‘n voorbeeld van egte dankbaarheid!

O Here, help ons vandag weer om U vir alles te loof en te dank. Selfs al het ons min. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.