Boodskap vir Vandag

Search
Close this search box.
Search

God se stem in die Bybel

So sê die Here: Ek sal die lot van Jakob se woonplekke verander (Jeremia 30:18).

Volgens die Gereformeerde tradisie, bly God se woord, dit wat God sê, die belangrikste medium waardeur God ons as mense ontmoet en aan ons kenbaar word.

Oor en oor hoor ons byvoorbeeld hierdie refrein in Jeremia 30-31: “So sê die Here!”

Hierdie woord van God kan, net soos in die dae van Israel, natuurlik direk na ons toe kom. Presies soos die bekende Amerikaanse prediker, Peter Marshall, op ‘n keer ervaar het.

Tydens ‘n kritieke oomblik in sy lewe, terwyl hy een nag in digte mis op pad huis toe was, het ‘n stem – só beskryf hy sy ervaring – skielik agter hom opgeklink. Die stem het hom tot stilstand gedwing. Later het hy dit met groot sekerheid as die roepstem van God in sy lewe aangedui.

Tog weet ons as Bybelgelowiges dat die spreke van God ons vandag meesal op ‘n meer indirekte manier bereik. Dit is deur middel van die baie verhale en getuienisse van mense soos opgeteken in die Bybel – met name dié van die profete en die apostels.

Hierdie verhale, so glo ons vandag, is méér as net mensgemaakte stories of produkte van die verbeelding. Dit is ‘n neerslag van ervarings wat mense met ‘n Wese groter as hulleself gehad het. Hulle het dit in die beskikbare taal, tradisies en beelde van hulle tyd probeer peil en verwoord.

Wie hierdie verhale met geloof, verwagting en veral met ‘n oop gemoed benader, het die kans om ook, net soos die eerste hoorders, God se stem daarin te hoor.

Here, dankie vandag weer vir die verhale van mense wat met U geleef het en waardeur U opnuut en op vars maniere met ons praat. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.