Boodskap vir Vandag

Search
Close this search box.
Search

Herken jy jouself?

Toe begin hy vloek, en hy sweer: “Daardie man van wie julle praat, ken ek nie” (Markus 14:71).

Hoe ons, net soos Petrus, ons geloof kan verloor en Jesus faal, word ontstellend in ‘n gedig “Verloëning” uitgedruk.

vanaand staan ék weer by die vuur,
skrik op van die ontstelde vraag:
jy is tog een van die span?

en iewers, net soos Petrus, protesteer
die hart en sprei die blos nog hoër as die vlam,
laai ergenis tot breekpunt op –

want wie wil buite wees waar afstand
en ‘n koue oog oorheers?
die winter swiep en slaan?

maar ernstig dan: ken jy nie sy gesig,
die plooie en die fyn sweet as Hy praat?
en kan jy voortgaan
om te plunder aan sy Naam,

terwyl Hy steeds in stilte langs
die kruispad knars,
en jy gesellig by die vuur
jou opstand fyn verguld?

Die vraag is: “Herken jy hierin iets van jouself?” En weet jy steeds dat Hy jou vergewe en ter wille van jóú langs die kruispad knars?

Here, dankie steeds dat U bly vergewe, ook wanneer ons U uit vrees verloën. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.