Boodskap vir Vandag

Search
Close this search box.
Search

‘n Bitter pil

Julle moet baie bly wees as allerlei beproewinge oor julle kom (Jakobus 1:2).

Vir dié wat lief is vir krieket, was die vorige week ietwat droewig.

Want ‘n nederlaag wanneer jy weet ons kon wen en só die hele land beter laat voel, bly ‘n bitter pil om te sluk.

Weer moes ons volkie ‘n paar duur lesse leer.

Die eerste is dat teleurstelling, pyn en verlies deel is van die lewe. Al doen jy ook wát om dit te vermy of te keer, een of ander tyd breek dit in ons lewe in. En dan moet ons dit leer hanteer en verwerk.

Tweedens moes ons leer dat krieket, oftewel sport, met al sy bevredigende oorwinnings en pynlike nederlae, nie die somtotaal van die lewe is nie. Tereg het een sportman ná ‘n onverwagse nederlaag opgemerk: “Natuurlik is dit nie lekker nie. Maar niemand is dood nie. Die lewe is groter as dit. Ek moet weer aangaan.”

En dit is die punt. Net om te lewe – dít op sigself bly ‘n wonderlike gawe. Selfs al wys die lewe soms sy donker kante aan ons en is ons dae daarná verlam en verslae, bly die uitdaging om ook dít mettertyd as ‘n soort gawe te herken.

Net soos Jakobus met sy beproewinge ontdek het.

Here, leer ons vandag tog weer die ou les dat daar goeie dinge uit ons nederlae en terugslae gebore kan word. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.