Boodskap vir Vandag

Search
Close this search box.
Search

‘n Merkwaardige omslag

Heel laaste het Hy ook aan my, die misgeboorte, verskyn (1 Korinthiërs 15:8).

Dat daar iets gebeur het wat ná Jesus se dood sy beangste dissipels onverwags tot nuwe aksie en toewyding aangevuur het, sien ons nêrens duideliker as in die lewe van die apostel Paulus nie.

Trouens, die omslag in sy lewe was nie alleen onverwags nie, maar totaal verstommend.

Want een oomblik was hy nog ywerig op pad om meer Christene te vervolg en dood te maak. Net om kort daarna op sy knieë te beland, gereed om alles – sy posisie, status en aansien – prys te gee en sy eertydse vyande as vriende en nuwe familie te omhels.

Wat het hierdie merkwaardige verandering in Paulus se lewe gebring – ‘n verandering wat só dramaties en onwaarskynlik was dat die volgelinge van Jesus dit aanvanklik nie wou glo nie (Hand 9:21.26)?

In Handelinge 9, maar ook later in sy ander geskrifte, vind ons die antwoord: Die lewende Christus het Paulus op sy noodlottige pad van moord en verwoesting voorgekeer. In ‘n oomblik van dramatiese bevryding het Christus by hom ingebreek en tot ‘n apostel van liefde en genade verander.

Sodat Paulus van toe af net één wens, één droom, één strewe sou hê: Dit was om die lewende Christus beter te leer ken en Hom met nuwe oorgawe en ywer te dien (Fil 3:10).

Paulus is maar een van báie wat van hierdie merkwaardige omslag eerstehands beleef het.

O Here, laat my vandag ook weer soos Paulus uitroep: Al wat ek wens is om U, die lewende Christus, beter te leer ken. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.