Boodskap vir Vandag

Search
Close this search box.
Search

‘n Storie van waagmoed en bemiddeling

Barnabas het hom egter oor Saulus ontferm en hom na die apostels toe gebring (Handelinge 9:27).

Barnabas – die een wat ander kon bemoedig – se vermoë hiertoe, asook sy bereidwilligheid om grense oor te steek en vir ander in te tree, word nêrens mooier geïllustreer nie as in sy geskiedenis met Saulus, wat later Paulus genoem is.

In Handelinge 9:26 lees ons hoe moeilik dit aanvanklik vir die volgelinge van Jesus was om Saulus ná sy dramatiese bekering as een van hulle te aanvaar. Daarvoor was sy terreurdade teenoor hulle eenvoudig té groot. Ook té vars in die geheue.

Sy naam het vrees opgeroep, en hulle het moeilik aan sy storie van verandering verteer.

Totdat Barnabas hom oor Saulus ontferm en na die apostels gebring het. En hulle toe oortuig het van die egtheid van sy bekering. Sodat die apostels Saulus nie net aanvaar het nie, maar kort daarná ook teen die dood beskerm het (Hand 9:30).

Wat ‘n wonderlike storie van waagmoed en bemiddeling, van vergifnis en aanvaarding!

In ons land waar mense mekaar toenemend wantrou en selfs vreemdelinge verjaag en vermoor, benodig ons dringend hierdie gees en instelling van Barnabas.

Wat natuurlik niks anders as die gees van die lewende Christus is nie!

Here, gee ons vandag opnuut die gees van Barnabas – hy wat bereid was om uit te reik en hom oor die vreemdeling te ontferm. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.