Boodskap vir Vandag

Search
Close this search box.
Search

‘n Teken van vryheid

Toe sê Dawid vir Natan: “Ek het gesondig teen die Here.”

Een van die groot tekens dat jou lewe kan verander, ja, dat God se genade en liefde dit ten goede beïnvloed het, is dat jy nie langer skaam of traag is om jou foute en mislukkings te erken nie.

Trouens, danksy God se genade kry ‘n mens die moed om eerliker met jou eie lewe om te gaan – om nie net jou swakhede en sondes reguit in die oë te kyk nie, maar dit ook, dikwels onder trane, uit te sê teenoor God – en van daaruit ook teenoor ander.

En wat ‘n vars bries is dit nie om sulke mense te ontmoet nie. Mense wat nie hulleself heeltyd hoef te handhaaf, verskonings hoef te soek of ander vir hulle foute hoef te blameer nie. Maar wat openlik en eerlik, soos Dawid, by ‘n punt kan kom om te erken: “Ek is die man. Ek het oortree. Ek verdien die vermaning of straf.”

Om só eerlik te wees en skuld te bely, ook vir jou skewe dade of woorde verskoning te vra, is gewis geen swakheid nie. Ook nie iets om jou oor te skaam nie.

Dit bly ‘n teken van groot vryheid.

Here, hoe vinnig is ons nie om onsself te verontskuldig en te handhaaf nie. O, maak ons eerliker en gevoeliger vir u werk in ons lewe. Sodat ons makliker ons sondes voor U en ander sal erken. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.