Boodskap vir Vandag

Search
Close this search box.
Search

Ons benodig ‘n nuwe sleutel

Geseënd is die vredemakers, want hulle sal kinders van God genoem word (Matteus 5:9).

Dawid se passiewe optrede en Absalom se daad van vergelding ten opsigte van die verkragting van Tamar, is maar twee maniere – albei bedenklik – om onreg te hanteer.

Daar is ook ander, méér vrugbare maniere.

Die een is om, soos ‘n goeie joernalis, die onreg voortdurend uit te wys en op die naam te noem. Ook daarteen te bly protesteer – weliswaar vreedsaam, maar dan beslis, openlik en duidelik.

Daarmee saam moet weë bedink word om die onreg op konstruktiewe en hoopvolle maniere reg te stel. Hetsy deur daarvoor te vergoed, of deur daadwerklike tekens van vrede en geregtigheid op te rig – tekens wat nuwe hoop en lewe in ons gewelddadige samelewing kan blaas.

Die bekende dirigent en klavierspeler, Daniel Barenboim, gebruik ten opsigte van dié uitdaging ‘n wonderlike musiekbeeld en noem dit ‘n “nuwe sleutel” waarin ons moet leer speel. Om die daad by die woord te voeg, het hy die afgelope jare ‘n nuwe jeugorkes, bestaande uit Jode én Palestyne, gestig.

En só ‘n brug van vrede in ‘n erg verdeelde land begin bou.

O Here, maak van ons vredemakers. En help ons om op ‘n positiewe manier by klein dade van hoop te begin. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.