Boodskap vir Vandag

Search
Close this search box.
Search

Vir jonger ore bedoel

Met geduld kan iemand in ‘n magsposisie tot ander insigte gebring word; met ‘n versigtige benadering word weerstand afgebreek (Spreuke 25:15).

Dit is goed dat mense, met name jongmense, daadwerklik teen onreg en veral rassediskriminasie sal opstaan.

Die toekoms behoort per slot van sake aan die volgende geslag.

Maar dit bly tog belangrik hóé jy teen die onreg opstaan en reageer. Anders gestel: Wat die styl van jou protes is.

Want jy kan só kwaad wees en só heftig tekere gaan dat jy, dikwels onbewustelik, die rassevuur net verder stook. So asof jy en jou geslag nie die slegte saad van rassisme ook in julle omdra nie. Nee, só suiwer is ons eenvoudig nie! Dit kan ons maar by die Christendom met sy radikale siening van sonde en skuld gaan leer.

Die waarskuwing van die bekende teoloog en aktivis, Beyers Naude, destyds gerig aan die jonger leiers van die “Black Consciouness”-beweging, is hier ter sake. Sy woorde was: “If you are not disciplined, you can never be leaders.”

Om met dissipline en gesonde selfkritiek te leef én te protesteer, beteken nie noodwendig dat jy jou saak afswak of benadeel nie. Inteendeel, dit kan groter gewig en geloofwaardigheid aan jou protes verleen. En dít is tog belangrik!

Is daar iewers jonger ore wat dit sal hoor?

Here, ons bid vandag vir almal wat waagmoedig die stryd om geregtigheid voer. Leer hulle daardie styl van protes wat tot ware verandering kan lei. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.