Boodskap vir Vandag

Search
Close this search box.
Search

Ek bid, want ek is hulpeloos

Luister tog na my, Here, verhoor my gebed, want ek is hulpeloos en arm (Psalm 86:1).

Een van die baie mooi voorbeelde van die eiesoortige krag van egte gebed, kry ons uit die lewe van die bekende Engelse teoloog en skrywer, CS Lewis.

Terwyl Lewis tydens sy vrou, Joy, se ernstige siekte vir haar bly bid het, moes hy wel die spot van sommiges wat nie geglo het in die waarde van gebed nie, verduur.

Hierop het ‘n goeie kollega Harry hom getroos met dié woorde: “Die mense kan jou maar spot, maar ek weet hoe hard jy gebid het. En nou is God besig om jou gebede te beantwoord.”

Waarop Lewis veelseggend geantwoord het: “Dit is nie hoekom ek bid nie, Harry. Ek bid, want ek kan myself nie help nie. Ek bid omdat ek hulpeloos is. Ek bid, want hierdie behoefte vloei die hele tyd uit my, of ek slaap en of ek wakker is. Gebed verander nie vir God nie, dit verander my!”

Wat nogeens sê: Gebed het ‘n bepaalde krag en uitwerking.

Dit maak siekes gesond – vanaf individue, gemeentes tot by gemeenskappe.

Here, leer ons vandag weer bid. Leer ons veral dat die gebed van die hulpelose groot krag kan hê. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.