Boodskap vir Vandag

Search
Close this search box.
Search

Geloof is om te sien

Maar nou het ek U self gesien (Job 42:5).

Die klimaks van die Job verhaal is nie net wanneer hy in nederige berou voor God se almag en trou buig en nuut begin luister nie.

Nee, dit is wanneer hy uiteindelik self begin praat, wanneer hy sy eie unieke antwoord op God se moeite en gepraat met hom gee.

En wat ‘n aangrypende antwoord is dit nie – een waarin dit duidelik word wat dit beteken om regtig in God te glo.

Dan gaan dit nie meer daaroor dat jy allerlei oor God weet, hetsy deur boeke of ander mense se opinies of getuienisse nie. Nee, dan gaan dit daarom dat jy God persoonlik ontmoet en leer ken het.

Sodat jy soos Job kan uitroep: “Tot nou toe het ek net gehoor wat mense van U sê, maar nou het ek U self gesien” (Job 42: 5).

Om God te sien? Dit klink byna onmoontlik. Totdat ʼn mens onthou dat God vandag steeds op allerlei maniere – ook in die gestalte van ‘n welwillende medemens – na ons wil uitreik.

Ons moet alleen ons oë daarvoor oophou.

O Here, hoe sleg ken ons U nie. Help ons om U vandag te sien, al is dit net deur die liefde van ‘n wellewende medemens. Want Here, U is tog liefde. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.