Boodskap vir Vandag

Search
Close this search box.
Search

Desondanks

Job het toe vir die Here gesê: “Ek is nie opgewasse teen U nie. Hoe sou ek U kon antwoord?” (Job 39:36-37).

Hoe ‘n mens soos Jo, kan bly vashou aan God, ondanks eie swakhede en sondes, word mooi uitgedruk in ‘n gedig getitel: “Desondanks.”

Die gedig lui:

dít moet jy weet
slinkse en geheimsinnige
God –

aan jou sal ek bly kleef
al het ek jou gelos

jou eer sal ek bly soek,
al leef ek elke dag in oneer

aan my sal jy nie kan
ontsnap nie

al is die ver ver land my
vaste tuiste

want jy blý my God en ek
jou verlore liefde

Die wonder van die boek Job is dat dit ons toestemming gee om maar so te bid.

En op dié manier vas te hou aan God, ondanks ons twyfel en kleingeloof.

Here, aan U sal ek vandag weer vasklou, al voel U ver en onbegryplik. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.