Boodskap vir Vandag

Search
Close this search box.
Search

Die soeke na nuwe taal

Deur die regte woorde te gebruik, kan ‘n mens sy honger stil, kan hy genoeg kry om te eet deur wat hy sê (Spreuke 18:20).

Onlangs het ek die voorreg gehad om die digteres Antjie Krog te hoor praat oor haar nuutste bundel “Mede-wete.”

Die bundel, so hoor ek haar sê, is onder andere ‘n poging om vars taal en metafore te vind om daardie oerband wat ons as mense met alles en almal het, te herwin en te beskryf.

Tans het dié band verlore geraak. Sodat in baie kringe, so voer sy aan, woorde soos liefde, medemenslikheid, versoening en vergifnis hulle betekenis en impak verloor het.

Krog raak ‘n probleem aan, noem dit ook ‘n uitdaging, waarmee gelowiges vandag óók spook. Dit is om nuwe inhoud aan oorbekende en deels verslete begrippe te gee. Sodat wanneer mense dit hoor, dit hulle sal ontroer en hulle met nuwe gloed en energie sal wil gaan leef.

Ons teks vir die week is die bekende goue reël wat ook in meeste ander godsdienste geld, naamlik dat ons God bo alles en ons naaste soos onsself sal liefhê.

Goed so, maar wat beteken dit in ons konteks vandag?

Here, gee ons vandag weer woorde wat lewe kan verkwik en hoopvol maak. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.