Boodskap vir Vandag

Search
Close this search box.
Search

Middelpunt van ons lewe

Jy moet die Here jou God liefhê met jou hele hart en met jou hele siel en met jou hele verstand en met al jou krag (Markus 12:30).

Dit was die teoloog, Dietrich Bonhoeffer, wat in sy tyd gewaarsku het dat as God nie ‘n werklikheid in die sentrum van ons lewe is nie, dan is God niks meer as ‘n afgod nie.

Dan word God alleen maar ‘n stoplap vir daardie leemtes wat ons kennis voorlopig nie kan vul of verklaar nie. Of ‘n noodgod wat alleen belangrik word wanneer ons besig is om te vergaan of te sterf.

En só ‘n God is op die lang duur niks werd nie.

Nee, die God van Jesus, só sou Bonhoeffer aanvoer, is die maker van ons lewe, die middelpunt van ons verlange, die bron en sentrum van alles wat ons aanpak en doen. Dié God is óns God van wie ons die geliefde kinders is, die skape van dié God se weiding en kudde, oor wie waggehou word en wat daagliks versorg word.

En daarom vra God onverdeelde trou, liefde en respek van ons. Vra God dat ons God se stem sal hoor, elke dag, sodat ons met blydskap en oorgawe daarop sal antwoord.

Dit is onder andere wat dit beteken om God met ons hele hart, siel, verstand en krag lief te hê.

O Here, help my om vandag U stem te hoor en U met oorgawe te volg en te bemin. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.