Boodskap vir Vandag

Search
Close this search box.
Search

‘n Keerpuntvers

So sal Hy julle innerlik sterk maak dat julle onberispelik en heilig voor God ons Vader sal staan wanneer ons Here Jesus kom saam met al sy heilige engele (1 Tessalonisense 3:13).

Skynbaar was 1 Tessalonisense 3:13 nóg ‘n keerpuntvers in die ou kerkvader, Augustinus, se lewe.

Ons ken tog sy boeiende verhaal.

Hoe hy op ‘n stadium as jongman betreklik onverskillig geleef het. En soos baie wat sukkel om aan te pas, homself oorgegee het aan die plesier van die lewe.

En dan, hoe hy op ‘n dag by monde van ‘n jong meisie se stem die oproep hoor om weer die Skrifte te gaan lees. Waarná hy die kernboodskap van die Bybel opnuut ontdek. Dit is dat God hom steeds, ondanks sy oppervlakkige keuses, innig liefhet.

En dat alles ten slotte net genade is.

Dan ontdek hy boonop 1 Tessalonisense wat ‘n verdere perspektief bied. Dit is dat die liefde ‘n mens boonop innerlik sterk maak om heilig en onberispelik voor God ons Vader te wandel. Ook eendag só voor Hom te staan.

Die vraag is: “Ken ons dié liefde? Het dit ons al so oorrompel dat ons hele lewe, ja, alles wat ons dink of doen, daarom begin draai?”

O Here, dankie opnuut vir u liefde en genade. Help ons om vandag met oorgawe daaruit te leef. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.