Boodskap vir Vandag

Search
Close this search box.
Search

Fonteine van redding!

Met blydskap sal julle water skep uit die fonteine van redding (Jesaja 12:3).

In ‘n mooi meditasie wys die teoloog, Okke Jager, ons tereg daarop hoe broos en onseker menslike geluk en blydskap gewoonlik is.

Ook hoe moeilik dit is om hierdie oomblikke van geluk en blydskap vas te hou of selfs te herhaal. In dié verband spreek hy dan ‘n troosvolle woord.

Dit is dat ons moet leer dat Iemand anders lankal reeds vir ons die geluk en vreugde verwerf het en vashou. Jesus, deur sy koms na ons aarde, het dit vir ons gedoen. Hy voorsien fonteine van redding (Jes 12:3).

Sodat ons vir ons geluk alleen naby Hom moet bly. Hy wat die ware fontein van redding is.

Bly daar enige iets anders oor vir ons om te doen? Só vra Jager ten slotte. Waarop sy antwoord dan aangrypend lui: “Ja, wees net gelukkig. Domweg gelukkig.”

Mag die boodskap van Kersfees ons vanjaar opnuut met blydskap uit hierdie fontein van redding laat skep.

Hierdie onuitputlike bron van geluk en vreugde.

O, dat U na ons gekom het, Here, bly ons grootste geluk en vreugde. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.