Boodskap vir Vandag

Search
Close this search box.
Search

Leef met goeie maniere!

Moenie jou te regverdig wil hou nie, moenie aanspraak maak op meer wysheid as wat jy het nie (Prediker 7:16).

Beywer julle liewer altyd vir die belange van julle medegelowiges en van alle mense (1 Tessalonisense 5:15).

Dit is algemeen bekend dat die morele integriteit van enige samelewing afhanklik is van die goeie gesindheid en gedrag van elkeen van sy inwoners.

In dié verband is dit belangrik dat elkeen van ons, veral diegene onder ons wat ernstig oor ons geloof is, aan die begin van die jaar vir onsself duidelike voornemens sal formuleer.

En hierdie voornemens ook met oorgawe gestand doen.

Wat myself betref, is daar ‘n paar waardes of gedragskodes waarby ek vanjaar graag wil hou.

Die eerste is om eenvoudig met goeie maniere te leef. Om dus respekvol, hoflik en sensitief teenoor alles en almal rondom my op te tree.

Wat beteken dat ek nie minagtend op ander sal neerkyk en leef asof hulle nie bestaan nie. Of nie my omgewing so sal benader asof dit ‘n rommelwerf is nie. Of die paaie, asof dit aan my alleen behoort nie. Asof ek die middelpunt van alles is nie.

Wie nie met hierdie instelling leef nie, weet nog min van goeie maniere.

O Here, leer my vanjaar om met goeie maniere te leef, sodat die samelewing waarvan ek ‘n deel is, ‘n beter plek kan word. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.