Boodskap vir Vandag

Search
Close this search box.
Search

‘n Eerste belangrike tree

“Voordat Filippus jou geroep het,” antwoord Jesus, “toe jy nog onder die vyeboom was, het Ek jou al gesien.” (Johannes 1:48).

Wie die groot uitdaging en verantwoordelikheid van ons eeu op hulle neem om vir die armes te begin sorg, moet altyd éérs ‘n belangrike eerste tree gee.

Dit is om agter die vodde en die vuil, agter die smekende, pleitende oë, ‘n medemens in uiterste nood raak te sien.

Ook om jou in hierdie nood te begin inleef. Jou as ‘t ware in die skoene van die arme te verplaas. Wat beteken dat jy sal aanvoel en raaksien hoe verskriklik armoede regtig is. Hoe dit mense van hulle menslikheid, selfvertroue en trots kan beroof, sodat hulle hard en verbitterd raak.

Want soos iemand skryf: “Wie ‘n harde lewe lei, word self ook hard.”

Armoede bepaal uiteindelik wie mense is, wat hulle word en hoe hulle optree. Dit laat wonde, nie alleen in en op die lyf nie, maar veral ook in die siel — daardie setel van ons herinneringe, gevoelens, stemminge en lewensinstelling.

Wie nie dit raaksien en verstaan nie, leef nog grootliks aan die armes verby.

En sal steeds voortgaan om sonder enige gewetenswroeging luukse paleise en motors te bekom.

Here, help ons om dit vandag weer te waag met daardie eerste tree – dit is om, soos U, ons medemens regtig raak te sien. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.