Boodskap vir Vandag

Search
Close this search box.
Search

‘n Skans teen rassisme

Help die medegelowiges in hulle nood en lê jou toe op gasvryheid (Romeine 12:13).

Te midde van groeiende onverdraagsaamheid en die gepaardgaande spook van rassisme wat nou weer begin rondloop, is daar één ding wat ons as Suid-Afrikaners nooit mag verloor of prysgee nie.

Dit is om gasvry en vriendelik teenoor alle mense te bly en op te tree.

Ek het grootgeword in ‘n deel van ons land wat bekend is vir die gasvryheid van sy mense. Al gaan staan jou motor ook waar in dié verlate landskap – as iemand jou daar kry, sal hulle help. Of as jy vir hulp gaan aanklop, sal mense hulle deur en huis vir jou oopmaak. Jou versorg en selfs oorlaai met die nodige – kos, ‘n bed, selfs klere – tot jy weer kan aangaan.

Vir dié mense is dit vanselfsprekend, selfs diep ingeburger: Jy help en nooi in waar jy kan, veral wanneer die nood druk.

Want dit is hoe gasvryheid werk.

Vir ware gelowiges, behoort gasvryheid ‘n kerndeel van hulle instelling en optrede teenoor mense te wees. Dit kan nie anders nie.

Boonop bly gasvryheid ‘n belangrike skans teen enige vorm van rassisme.

O Here, help ons om in ‘n samelewing vol woede en rassisme, nie die deug van gasvryheid teenoor alle mense te verwaarloos nie. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.