Boodskap vir Vandag

Search
Close this search box.
Search

Dit is die belangrikste

Kyk watter groot liefde het die Vader aan ons bewys: Hy noem ons kinders van God, en ons is dit ook (1 Johannes 3:1).

Terwyl die bekende geestelike, Jorg Zink, vertel van sekere veranderinge wat hy danksy die genade van God in sy lewe ervaar het, is daar tog één wat uitstaan.

Hieroor skryf hy aangrypend in ‘n boek met gelykluidende titel: “Hoe ek my verander het”.

In sy woorde: “Ek meen tog vandag daar is dinge wat baie belangriker is as blote kennis, of om dinge te leer verstaan.”

“As jongmens was ek gefassineer deur ‘n spreuk teen ‘n muur in die voorportaal van ons skool. Dit het gelui: ‘Sapere aude’, wat beteken: ‘Waag dit met kennis.’

“Vandag sou ek graag daaronder wou skryf: ‘Neem jou eie kennis en insigte nie so ernstig nie. Die liefde van God en om dít te ken, is baie belangriker.'”

Hierdie woorde van Zink sluit aan by ‘n ander uitspraak van hom, naamlik dat daar in die Bybel en in die Christendom ‘n diep mistieke element aanwesig is. Een wat getuig van ‘n eerstehandse ontmoeting met en ervaring van God se onvoorwaardelike trou en liefde.

Wie dit ontdek, so skryf hy, se geestelike lewe word nie net verdiep nie, maar hulle kry ook die moed om in die samelewing vrymoediger oor God te praat.

Net soos die profete van ouds.

O Here, verras ons vandag weer met u liefde – u liefde wat ons aanvaar net soos ons is. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.