Boodskap vir Vandag

Search
Close this search box.
Search

Hier bloei God se liefde

Daar kom toe ‘n stem uit die wolk wat sê: “Dit is my Seun wat Ek uitverkies het. Luister na Hom” (Lukas 9:35).

As dit is soos die geestelike, Jorg Zink, skryf dat kennis van God se liefde die belangrikste vorm van kennis is, bly die belangrike vraag: Hoe bekom ons dié soort kennis? Waar gaan soek jy dit?

Miskien kan ons teks vir die week, te wete Lukas 9:28-36 wat handel oor Jesus se verheerliking op die berg, ons hierin help.

U sal saamstem, dit bly ‘n eienaardige, bonatuurlike en geheimnisvolle soort verhaal. Wat dit dan ook is.

Want hier word dit skielik glashelder dat Jesus méér is as net ‘n gewone sterfling-mens, dat Hy in die ligglans van God se teenwoordigheid leef. Ja, méér nog, dat die heerlikheid van God, God se unieke andersheid, ja, sy troue liefde, vir mense in Hom sigbaar geword het (Luk 9:29).

Die bergtop-episode word uiteindelik ‘n massiewe bevestiging van Jesus se identiteit as die Seun van God (Luk 9:35). Ook ‘n voorbereiding vir die moeilike kruisweg wat voorlê (Luk 9:21-25) – ‘n weg waarop die bloeiende hart van God, sy diepe liefde vir mense op ‘n skreiende, maar ook diep ontroerende manier, sigbaar sou word.

Wie God se liefde wil ken en ervaar, moet deel word van die Christusverhaal.

Moet na Hom luister – ook bereid wees om sy weg te gaan.

O Here, dankie vir Christus. Dankie dat U deur Hom vir ons wys hoe lief U mense het. Help ons om na Hom te bly luister. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.