Boodskap vir Vandag

Search
Close this search box.
Search

Kyk, luister en lewe

Gee aandag en kom na My toe, luister, en julle sal lewe (Jesaja 55:3).

Wanneer ons in ons eie angste en bekommernisse vasgevang raak, verloor ons maklik oog vir die groter prentjie van ons lewe.

Dit is dat ons lewe stééds in God se hande is, stééds deel is van God se plan met mense.

Regdeur hoofstuk 40 tot 55 is dit die gróót boodskap wat Jesaja aan sy moedelose volk wil bring, naamlik dat God steeds die geskiedenis beheer. Steeds aan die werk is ter wille van hulle.

Dat God selfs deur ‘n heidense nasie – Kores en sy opkomende Perse – hulle kan red en terugbring (Jes 44:28-45:1-7). En só sy belofte aan Dawid gestand doen. ‘n Belofte wat sê dat God hulle nooit sal vergeet nie (Jes 49:14-16). En dat God altyd aan hulle getrou sal bly (Jes 55:3).

Hulle moes alleen daarvoor wakker word (Jes 51:17), daarna begin luister (Jes 43:1; Jes 44:1; Jes 48:1-2) – én belangrik, met nuwe aandag kýk hoe God reeds nuwe dinge onder hulle laat gebeur (Jes 43:19).

Het jy dit miskien vergeet – God se woorde wat ook vandag vir jou bedoel is? Woorde wat lui: “Gee aandag en kom na My toe, luister en jy sal lewe” (Jes 55:3).

O Here, ons is dikwels so vasgeval in ons eie werk en sorge dat ons vergeet dat U ons geskiedenis lei en bepaal. Vergewe ons en maak ons meer opmerksaam vir U, sodat ons kan lewe. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.