Boodskap vir Vandag

Search
Close this search box.
Search

Om nie reaktief te leef nie

Doen alles sonder kla of teëpraat. Sorg dat julle bo alle verdenking staan en opreg bly, onberispelike kinders van God te midde van ontaarde en korrupte mense (Filippense 2:14-15).

Om positief uit God se beloftes te leef, beteken onder andere dat ons vanuit ‘n diep innerlike vrede en vryheid sal leer optree.

En nie toelaat dat ander se komplekse, dwaashede en kleingeestigheid ons gedrag bepaal nie.

In Suid-Afrika is dit iets wat deesdae gans te maklik gebeur. Dat ons optrede reaktief en daarom negatief, voorspelbaar en selfs vervelig raak. Want as dit nie politieke leiers se kortsigtigheid is wat ons frustrasievlakke opjaag nie, is dit die onverskilligheid van talle motoriste wat ons dag omkrap. Of die sinlose geweld wat ons stemming beduiwel.

En dan kla en sug ons weer. Of neul rondom braaivleisvure tussen vriende waar ons ons frustrasies luidkeels kan aankondig en uitpak. En heeltyd laat ons toe dat ander se slegte gedrag en onverskilligheid ons stemming en uitsig op die lewe bepaal.

Nee, só onvry en stereotiep mag ons nie leef nie. As kinders van God wat glo aan God se heerskappy op aarde, moet ons die negatiewe en die bose gedurig troef en oorstyg met ‘n lewe vol vars verbeelding, nuwe inisiatiewe en hardnekkige hoop.

Dit bly ons groot uitdaging in Suid-Afrika vandag.

Here, maak ons vandag vry om u Koninkryk bo alles te soek. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.