Boodskap vir Vandag

Search
Close this search box.
Search

Oor lojale vriendskap

‘n Openlike bestraffing is beter as liefde wat onsigbaar bly. Op ‘n vriend wat jou seermaak, kan jy reken (Spreuke 27:5-6).

Ek verwonder my altyd aan hoe lank bestaande en lojale vriendskappe werk.

Want goeie vriende bly nie altyd noodwendig onkrities en blindelings lojaal aan mekaar nie. Juis omdat hulle mekaar so goed ken, weet hulle ook baie goed van mekaar se swakhede, blapse en stommiteite. Sodat hulle soms met ‘n skalkse laggie of glimlag ook ‘n bietjie met hulle vriend sal spot, selfs ook ‘n bietjie oor hom of haar sal skinder.

Maar dan inderdaad met ‘n glimlag. Want lojale vriende kom net van té ver af, het net té veel goeie en slegte tye saam beleef om mekaar sommer net in ‘n oomblik van frustrasie, irritasie of wrewel te versaak of af te skryf.

Wat ‘n geweldige troos om te weet dat daar mense, ja, goeie vriende is wat, ondanks wie ons is of wat ons alles aanvang, steeds by ons staan.

Selfs al is dit met ‘n skalkse, maar toegeneë glimlag om die mond. Ja, selfs al beteken dit dat sulke vriende jou soms, hoe pynlik dit ook al mag wees, direk moet aanpraat of vermaan.

Here, dankie vir vriende wat deur dik en dun by ons sal staan. Ook vrymoedig genoeg is om ons aan te praat en te bestraf wanneer ons fouteer. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.