Boodskap vir Vandag

Search
Close this search box.
Search

‘n Vreemde soort armoede

Wat sal dit ‘n mens help as hy die hele wêreld as wins verkry, maar sy lewe verloor (Matteus 16:26).

Dit is inderdaad waar dat geld ons lewe gemakliker en geriefliker kan maak – ook ongekende geleenthede kan skep om ander se nood te help verlig.

Maar wanneer geld, soos in ons tyd, die enigste ideaal en ambisie van mense se lewe geword het, sodat hulle selfs bereid is om ander daarvoor dood te maak, het ons ‘n kwade dag bereik.

Dan loop ons die ironiese gevaar om, in plaas van ons lewens te verryk, dit oneindig te verarm – selfs daartoe by te dra dat ons aarde geplunder en ander uitgebuit en onderdruk word. Bloot omdat ons blindelings en fanaties op soek is na groter winste, méér geld.

Onlangs hoor ek in dié verband ‘n verstommende uitspraak van die bekende Jamaikaanse reggae-sanger, Bob Marley. Hy het skynbaar op ‘n stadium gesê: “Ek is bevrees ek gaan eendag as ‘n baie arm mens sterf. Want al wat ek het, is geld.”

Inderdaad is daar groter rykdomme in die wêreld as net geld.

O Here, vergewe ons ons ongesonde sug na méér. Bewaar ons van gierigheid en selfsug. Leer ons die waarde en rykdom van eenvoud en soberheid. Hou ons sensitief vir die nood van ander. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.