Boodskap vir Vandag

Search
Close this search box.
Search

Om te rus in God se liefde

Ek het rus en kalmte gevind. Soos ‘n kindjie wat by sy moeder tevredenheid gevind het, so het ek tevredenheid gevind (Psalm 131:2).

‘n Vorm van gebed wat in ons tyd weer herwaardeer en beproef word, staan bekend as “kontemplatiewe gebed”.

Kontemplasie is ‘n groot woord wat eenvoudig “betragting” of “aanskouing” beteken. Of soos ‘n bekende geestelike dit eenmaal gestel het: “Dit is ‘n vorm van Godskennis wat van God se onbegryplike liefde deurweek is.”

Om hierdie liefde te ervaar, is stilte en selfs ‘n tyd van afsondering egter nodig.

Tereg sien een van die ou kerkvaders, Gregorius die Grote, kontemplasie as die vrug van ‘n stille bepeinsing van God se Woord. Hy noem dit ‘n rus in God waarin mense se hart en denke nie meer angstig na God op soek is nie. Iets méér begin gebeur: In die stilte en rus begin mense eerstehands en direk iets van God se liefde erváár.

Só skep kontemplasie toegang tot die grootste gawe denkbaar. Dit is die gawe van God se verrassende liefde wat geen eise of voorwaardes stel nie.

En in dié liefde kan mense alleen rus, terwyl hulle dit met blydskap ontvang en geniet.

Here, liefdevolle God, in hierdie oomblik wil ek net stil word en by U rus – rus soos ‘n kind aan die bors van ‘n moeder. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.