Boodskap vir Vandag

Search
Close this search box.
Search

Ter wille van ‘n gesonde gees

Teen dagbreek het Hy uitgegaan en na ‘n eensame plek toe vertrek (Lukas 4:42).

Bettie woon in ‘n tehuis vir bejaardes.

Sy hoort daar. Haar 85 jaar sê dit. En tog voel sy nie aldag ewe tuis daar nie. Die geklaery en herhalende stories van sommige van haar tydgenote vang haar soms.

Sy verstaan waarom dit nodig is om jouself by tye te onttrek.

Nie dat sy haarself om dié rede beter of sterker as die ander ag nie. Sy weet van siekte en broosheid. Het self al eenmaal by die dood gaan draai. Dít is nie wat pla nie.

Wat hinder, is mense en dinge wat haar onnodig belas. Haar gees onnodig uitput, omkrap en versteur. Want haar gees, wil sy gesond hou. En daarvoor is die eenkant-wees soms noodsaaklik. Sy verduidelik: “Daarsonder sal ek beswaarlik my diepste passie kan uitleef. En dit is om werklik dáár te wees vir God se swaarkry-kinders.”

Bettie leer my opnuut iets oor die noodsaaklike balans tussen alleenheid en betrokkenheid. Dit is om jouself van tyd tot tyd te ontrek, ten einde beter dáár te wees vir ander.

Hierdie balans was deel van Jesus se lewensritme en vorm altyd deel van ‘n gesonde gees.

Here, leer ons vandag weer daardie balans tussen stilte en solidariteit, tussen alleenwees en daarwees vir ander. Alleen só kan ons gees gesond bly. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.