Boodskap vir Vandag

Search
Close this search box.
Search

Ons is ‘n tempel van God

Weet julle nie dat julle die tempel van God is nie en dat die Gees van God in julle woon nie? (1 Korinthiërs 3:16).

Daar is ‘n sin waarin die opdrag van Haggai 2 om God se tempel wat tot puin verwoes was weer op te bou, glad nie meer vir ons geld nie.

Ons is tog nie Israel nie – nog minder deel ons in die voorskrifte van die ou verbond, soos dit destyds bekend gestaan het.

En tog gee Paulus in 1 Korinthiërs 3 ‘n verrassende draai aan dié beeld of prentjie van die tempel. Hy maak dit tot voorbeeld van ons lewe as gelowiges. Die opskrif van vandag se gedeelte lui daarom nie toevallig nie: “Die gelowiges as die gebou van God.”

Dringend herinner Paulus ons dan ook, in aansluiting hierby: “Weet julle dan nie dat julle die tempel van God is en dat God in julle woon nie?” Verder: “Die tempel van God is heilig, en dié tempel is julle” (1 Korinthiërs 3:17).

Dat ons ‘n heilige tempel van God is, is iets geweldigs.

Dit beteken allereers dat ek as individu in God se oë kosbaar is. En dat ek daarom nooit myself as minderwaardig mag sien of mag toelaat dat ander só na my kyk nie. Ook dat ek in my omgang met ander moet onthou: “Hulle is God se skepping, selfs ‘n heilige tempel van God wanneer hulle hulle lewe aan God begin wy.”

En dit is só, voer Paulus aan, omdat ons nie langer aan onsself behoort nie, maar aan Christus (1 Korinthiërs 3:22).

Here, dankie opnuut vir die versekering dat ek ‘n tempel van U is en dat U deur u Gees in my woon. Amen

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.