Boodskap vir Vandag

Search
Close this search box.
Search

Die pad van liefde

“Dit verseker Ek julle: Vir sover julle dit aan een van die geringstes van hierdie broers  van My gedoen het, het julle dit aan My gedoen” (Matteus 25:40).

Daar is min mense wat die belang en waarde van liefde so skerp aangevoel en met soveel oorgawe en geesdrif uitgeleef het as die bekende moeder Teresa.

In een van haar talle uitsprake beklemtoon sy nie net die helende krag van liefde nie, maar ook die diep en onvervangbare behoefte daaraan aan liefde vandag by soveel mense bestaan.

Sy stel dit só: “We can cure physical diseases with medicine, but the only cure for loneliness, despair and hopelessness is love. There are many in the world who are dying for a piece of bread, but there are many more dying for a little love.”

Self het sy nooit gehuiwer om hierdie behoefte aan ʼn bietjie liefde te vervul nie, selfs al het dit beteken sy moes die armstes van die armes en die vuilstes van vuiles omarm, koester en versorg. Want, só het sy geglo, daardeur het sy Christus se eie liggaam aangeraak en versorg.

En vir haar was dit altyd ʼn voorreg en ʼn eer.

Maar dit is waarop die pad van liefde ʼn mens kan neem. Dit moet ons as gelowiges altyd weet.

O Here, leer ons vandag weer u pad van liefde. Ons weet nog so min daarvan. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.