Boodskap vir Vandag

Search
Close this search box.
Search

Dit gaan om konkrete dade

Al die gelowiges was eensgesind en het alles met mekaar gedeel. Hulle het hulle grond en besittings verkoop en die geld aan almal uitgedeel volgens elkeen se behoefte (Handelinge 2:44-45).

Om vir ander te leef en só die goeie wedloop van die lewe te hardloop is nie altyd so maklik nie.

Dit verg dikwels konkrete dade waardeur ons iets van onsself, ja, selfs iets wat baie kosbaar kan wees, met ander begin deel, selfs aan ander weggee of vir hulle beskikbaar maak.

Onlangs lees ek van die bekende joernalis Johannes de Villiers wat deur die inspirasie van ʼn predikant-vriendin besluit het om ʼn maand lank elke dag iets uit sy opgegaarde besittings weg te gee. Dit was inderdaad nie aldag maklik nie, erken Johannes eerlik.

Tog was die onverwagte wins en verryking wat hieruit voortgevloei het veel meer as die skynbare verliese. In sy eie woorde: “Daar is iets ongeloofliks opgesluit in die oomblik dat jy vir iemand iets gee. Jy breek deur ʼn grens tussen jou en die ander mens en daar is skielik ʼn uitruil van menslikheid tussen julle.”

Weliswaar gebeur dié vorm van vrygewigheid nie vanself nie. In Johannes se woorde: “Dis iets wat jy moet oefen.”

Maar dit is presies waaroor dit in die goeie wedloop van die lewe gaan. Die eerste gemeente van Handelinge 2 het dit goed verstaan.

O Here, U het soveel vir ons gegee. Help ons vandag om wat ons het met ander te deel – en dit selfs weg te gee. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.