Boodskap vir Vandag

Search
Close this search box.
Search

Verbond

ʼn Teks wat dikwels in Lydenstyd gelees word, is Genesis 17. Hier kry ons die verhaal van God en Abraham en die verbond. Genesis 15 beskryf ook hierdie verbond wat God met Abraham en sy nageslag gesluit het. Dié twee tekste se atmosfeer verskil egter. In Genesis 15 is daar ’n meer intieme, nabye ontmoeting tussen God en Abraham, terwyl Genesis 17 meer “amptelik” is.

Ek het nogal ’n sagte plekkie vir Genesis 15. Daar sit Abraham in sy tent – redelik moedeloos. Eintlik moeg vir al die beloftes wat tot niks kom nie. Toe die Here in ’n gesig (visioen) aan hom verskyn, het hy reeds sy klaaglied gereed. Hy sien al hoe sy slaaf sy besittings gaan kry. Hy kry homself, te midde van die Here se verskyning, eintlik baie jammer.

Wat doen die Here? Hy vat Abraham as’t ware aan die hand buitentoe en laat hom na die sterre kyk. Die Here herhaal sy beloftes en op daardie oomblik glo en vertrou Abram die woorde. Hy sou later weer twyfel en vrae vra, maar die Here het dié oomblik onthou. Hier vind ons daarom ’n verbondsverstaan wat vertroue, geduld en vriendskap behels.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.