Boodskap vir Vandag

Search
Close this search box.
Search

God se hart

Lydenstyd gee ons ’n kykie op ons hart en op God se hart. Daar is niks koud en klinies aan die kruis nie. Die God van die Bybel is nie Een wat eenkant staan, die situasie bekyk en dan met die beste plan vorendag kom nie. God worstel met liefde, getrouheid, teleurstelling en hartseer.

In Jeremia 31:31-34 word ʼn nuwe verbond belowe; ʼn verbond wat op die harte van God se volk geskryf is. Jeremia 31 – 33 word “die klein boek van vertroosting” genoem, waar God sy hart te midde van die werklikheid van ballingskap wys.

Jeremia 31 bevat verskeie metafore van omgee en verhouding. God is ons Vader (31:9); Hy is die Moeder van Efraim, sy troetelkind (v 20; 1953-vertaling); Hy is die Wagter wat skape bymekaarmaak (v 10); Hy is die Een wat uitpluk, maar ook plant (v 28); Hy is die getroue Eggenoot (v 32). Dit is vanuit hierdie verhoudings wat God kies om deur sy Seun sy hart te kom wys; om Homself vir ons te gee as die grootste teken van ’n hart wat op sy skepping gerig is.

Ons verlang dat ons harte God se hart sal weerkaats.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.