Boodskap vir Vandag

Search
Close this search box.
Search

Onverwags en tintelend!

Waar liefde is, is daar geen vrees nie (1 Johannes 4:18).

Wees spaarsaam met jou kuiers by jou buurman; as hy jou te veel sien, hou hy naderhand nie meer van jou nie (Spreuke 25:17).

Maria Magdalena, die vrou met wie Jesus so ʼn besonderse verhouding gehad het, moes kort ná Jesus se opstanding leer dat ware liefde, ja, egte intimiteit, meestal ook ʼn bepaalde afstand vereis.

Of, meer positief gestel: Ons verhoudings met ander verdiep juis wanneer ons die waarde van respekvolle afstand en privaatheid besef. Dit wil sê, wanneer ons nie te besitlik, opdringerig of oorafhanklik raak uit vrees dat ons die ander se guns of liefde gaan verloor nie.

Hoe hierdie wonderlike paradoks hom teenoor die ander uitspeel, word treffend uitgebeeld in ʼn gedig van Elizabeth Eybers met die gepaste titel “Ontmoeting”. Gaan soek dit gerus op die internet of ʼn digbundel en lees dit met aandag.

Mag daar nog baie sulke onverwagte ontmoetings vir jou voorlê – ontmoetings wat jou tintelend en vol lewe sal laat. En dít omdat die liefde van Christus, wat naby én ver, intiem én saaklik is, jou voortdurend dring.

Here, dankie vir die gawe van vriende en van intieme ontmoetings. Leer ons vandag opnuut om dit wat ons nooit volledig kan besit nie, as ʼn kosbare herinnering te bewaar. Amen.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.