Bedaar en erken dat Ek God is, hoog bo die nasies, hoog bo die aarde (Psalm 46:11).

In Hebreeus beteken die woord sabbat letterlik “stop”. Miskien stop en raaksien; stop en bewus word dat dit nie ons inspanning is wat die finale sê het nie.

Met die oog op hoe ons oor God en tyd dink, skryf Graham Ward: “Time is the unfolding of God’s grace, of God’s gift of God’s self in and through creation and our being created … To ask about time as a Christian theologian is to accept that not time (nor any perspective) is arbitrary, that all time is time of and for redemption, all time is grace.”

Alle tyd is verlossingstyd, alle tyd is saligmakend.

ʼn Kontemplatiewe manier van leef beteken ons sal ons ons beskouing van wat belangrik en van wat tydmors is bietjie vir bietjie verander – om daarin te kan rus dat God besig is selfs wanneer ons rus.

Dit is juis hoekom ons iewers in die week moet stop; anders begin ons dink God werk net wanneer ons werk.

Help my om te stop, Here, en u genadetyd vir my toe te eien en my oë te rig op u werk in my lewe. Amen.

Lisel Joubert