Boodskap vir Vandag

Search
Close this search box.
Search

Jesus se vriende

“Ek noem julle vriende, omdat Ek alles wat Ek van my Vader gehoor het, aan julle bekend gemaak het” (Johannes 15:15).

In die Johannesevangelie verras Jesus ons met die metafoor van vriendskap. Ons word nie meer slawe genoem nie, maar sy vriende (15:13-15).

In haar boek Models of God: Theology for an ecological, nuclear age fokus Sally McFague juis op drie metafore vir God, naamlik “mother”, “lover” en “friend”. Vir haar is vriendskap ʼn verhouding waarin daar ʼn keuse is. Dit het niks met ons rol, amp of funksie in die samelewing te doen nie. Die spreekwoord lui tog dat ons nie ons familie kan kies nie, maar wel ons vriende. Eintlik is vriendskap die verhouding in ons lewe wat aan ons die meeste vryheid gee en ons leer van lojaliteit en daar-wees vir mekaar.

Wanneer Jesus ons sy vriende noem, is daar ook ʼn keuse-element. Vriendskap word teenoor slaaf-wees gestel. ʼn Slaaf word gesê wat om te doen; ʼn vriend word genooi en beplan selfs saam. ʼn Slaaf se waarde lê in sy of haar funksies en doeltreffendheid; ʼn vriend se waarde lê in sy of haar menswees. ʼn Slaaf is ʼn besitting; ʼn vriend kan kies om lojaal te bly, en daarom is die keuse soveel waardevoller.

Vriendskap verryk. Daarom is dit betekenisvol dat Jesus Homself ons vriend noem.

Dankie, Jesus, my Here, dat U my vriend is, dat ek met U in ʼn hegte verhouding kan staan. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.