Boodskap vir Vandag

Search
Close this search box.
Search

Saam-saam

“Soos die Vader My liefhet, het Ek julle ook lief. Julle moet in my liefde bly” (Johannes 15:9).

Hoe sal ons God as vriend beskryf? Sallie McFague beskryf die “handeling” van God met die woord sustaining. Ons kan dit in Afrikaans vertaal met “dra, steun, bystaan, help en krag gee”. Ons is dus nie alleen nie.

Filia is die Griekse woorde vir broeder- of susterliefde, oftewel vriendskapsliefde. Vriende is aangetrokke tot die ander net soos hulle is. Dit gee hulle vreugde om in mekaar se teenwoordigheid te wees. Vriende is dikwels saam besig met gemeenskaplike belangstellings. ’n Mens doen immers dinge saam met jou vriende. Julle deel dieselfde droom of passie; dit wat julle opgewonde en hartseer maak. Vriendskap met God beteken ook ’n gedeelde belang, naamlik die well-being van die wêreld. Ons word uitgenooi om met die Vriend van die wêreld vriende te word.

Die kerk is ʼn gemeenskap. Ons sukkel om alleen gelowig te wees. Ons het mense nodig om ons te dra en aan God se teenwoordigheid te herinner. God kom gee Homself vir ons met woorde soos “Immanuel” (God met ons) en “Ek noem julle vriende” (Joh 15:15). En ons aardse vriendskappe is deel van die goeie geheimenisse van die lewe, naamlik om vreugde in ander se teenwoordigheid te vind.

Saam met U, Here, en saam met my medemens sal ek my rig op die welwese van die wêreld rondom my. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.