Boodskap vir Vandag

Search
Close this search box.
Search

Dit is nie in ons hande nie (2)

“Ek groet jou, begenadigde! Die Here is by jou” (Lukas 1:28).

Maria is doenig soos elke middag, dag ná dag, want daar is altyd takies om te verrig. Skielik staan ʼn engel daar en noem haar “begenadig”. Daarna is niks ooit weer dieselfde nie.

Maria se roeping was baie groter as wat sy ooit kon droom.

Ons dink ons skep die atmosfeer, want ons smag na ʼn Godsontmoeting. Ons het die musiek, die ruimte, die skare, die stilte. Keer op keer. Maar dan verras God ons op ʼn ander plek, deur iemand anders, in ʼn ander boek, en niks is ooit weer dieselfde nie.

Of dalk is ons God se verrassing vir iemand anders wanneer ons anders praat, anders optree, anders reageer of anders is as wat ons naaste dink ons gaan wees. Wie weet?

Hoe ook al … dit hang nie altyd van ons af nie. Daarom kan ons spontaan en vrymoedig aanhou dien, preek, praat, bid en liefhê, sonder die las van verwagting dat ons alles moet laat gebeur.

Ek smag na ʼn ontmoeting met U, my God. Verras my. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.