Boodskap vir Vandag

Search
Close this search box.
Search

ʼn Gebed met slaaptyd

As ek gaan lê, slaap ek goed; ek word ook weer wakker, want die Here sorg vir my (Psalm 3:6).

Onlangs kom ek af op hierdie aangrypende aandgebed van die teoloog Dietrich Bonhoeffer.

Die feit dat hy dit destyds in die tronk gebid het, terwyl die skaduwees van dood en vernietiging oor hom geval het, maak hierdie gebed soveel meer besonders. Dit is inderdaad woorde waarmee ons vanaand kan gaan slaap.

Lees dit aandagtig deur en bid dit dan saam met hom in stilte.

Here, my God, ek dank U dat U nou hierdie dag tot ʼn einde gebring het. Ek dank U dat U my steeds na liggaam en gees u vrede skenk.

U hand was nog altyd oor my en het my tot dusver beskerm en bewaar. Vergewe vanaand opnuut my kleingeloof en die kwaad wat ek vandag gedoen het. En help my om hulle te vergewe wat my onbillik behandel.

Gun my ʼn stil nag se slaap onder u tere sorg. En bewaar my van alle donker versoekings. In u hande gee ek vanaand my geliefdes oor en almal wat saam met my verkeer. Ek gee my lewe aan u oor – Here, my God, mag u heilige Naam altyddeur geprys word.

Amen – mag dit so wees.

Carel Anthonissen

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.