Boodskap vir Vandag

Search
Close this search box.
Search

Waag dit

Sy gaan maak toe soos Elia gevra het. Van toe af het hulle genoeg gehad om te eet, hy en sy en haar gesin. Die meel in die kruik het nie opgeraak nie, en die olie in die kan het nie minder geword nie, soos die Here deur Elia beloof het (1 Konings 17:15-16).

Ons dink dikwels profete was sterker mense as ons, mense met meer geloof. Nie noodwendig nie. Ek dink nie Elia se nood in 1 Konings 17 was minder as dié van die weduwee by wie hy aangeklop het nie. Ek sou my miskien vir Elia vererg het as ek die weduwee was. Kan die man dan nie my situasie raaksien nie?

God werk egter deur mense. Hy kies die armstes in die situasie. Die weduwee was bereid om die laaste wat sy gehad het aan hierdie man van God te gee. Haar gasvryheid kon haar einde beteken het, maar in hierdie situasie was dit vir haar ʼn begin. Hier sien ons die genade in menslike verhoudings.

Tog moet ons nie dink die situasie was “makliker” vir Elia omdat hy ʼn man van God was nie. Hy en die weduwee was albei in nood. Hulle albei moes vertrou. Hulle onderskeie reaksies op die woord van God was: “Hy het gedoen soos die Here aan hom opgedra het” (vers 5), en: “Sy gaan maak toe soos Elia gevra het” (vers 15).

Die naamlose vrou en die bekende man vertrou op God. Toe word die bietjies oorgenoeg vir hulle daaglikse brood.

Dankie vir u belofte om te sorg, Here, vir ons daaglikse brood. Sodat ons nog het om te kan deel ook. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.