Boodskap vir Vandag

Search
Close this search box.
Search

Fees

Kom, almal wat dors is, kom na die water toe, selfs ook dié wat nie geld het nie, kom, koop en eet; ja, kom, koop sonder geld en sonder om te betaal, wyn en melk (Jesaja 55:1).

In Jesaja 55 word die hoorders na ʼn feesmaal uitgenooi. God is die Gasheer en Hy deel verniet uit aan dié wat honger en dors is. Is dit ʼn toekomstige maal? Is dit ʼn maaltyd in die hede? Is dit regte kos en drank?

Die volk wat hierdie boodskap gehoor het, was in ballingskap en dit sou vir hulle onwerklik geklink het. Iets wat nie kan gebeur nie.

Miskien het die boodskap nie soseer te make gehad met die verandering van hulle omstandighede oornag nie, maar wel met ʼn gegewe waarheid ten spyte van politieke en sosiale omstandighede.

Een kommentaar sê hierdie woorde in Jesaja het die hoorders aangemoedig (prompted) om die volheid van die oomblik en die volheid van God raak te sien.

God in sy volheid is altyd teenwoordig, ongeag omstandighede.

Dankie vir die uitnodiging na u feesmaal waar U die Gasheer is, Here my God. Daar sal ek u volheid raaksien. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.