Boodskap vir Vandag

Search
Close this search box.
Search

Tafel van barmhartigheid

Is dit nie dat jy vir dié wat honger is, van jou brood gee nie, dat jy aan die armes en die dakloses ʼn blyplek gee nie, dat wanneer jy iemand sonder klere sien, jy vir hom klere gee nie, dat jy jou medemens nie aan sy lot oorlaat nie? (Jesaja 58:7).

Die feesmaal of tafel is nie net die plek waar ons gevoed word nie; dit is ook die plek waar barmhartigheid begin.

In die formulier vir die bevestiging van diakens staan daar dat die diakens se diens by die nagmaal begin en van daar af word God se barmhartigheid na alle terreine van die samelewing uitgedra. Die goeie nuus van die evangelie was tog nog altyd nie net Jesus as die brood wat lewe gee nie, maar ook brood self.

In Jesaja 58:7 beskryf God die vas wat Hy wil hê as om vir dié wat honger is van ons brood te gee; om aan armes en dakloses ’n blyplek te gee; om vir iemand sonder klere van ons klere te gee; om nie ons medemens aan hulle lot oor te laat nie. Die NRSV vertaal dit soos volg: “and not to hide yourself from your own kin”.

Barmhartigheid het tog te make met ons warm harte; ons keuse om nie van ander se nood weg te kruip nie.

Here, help my om ʼn warm hart en oop hande te hê sodat ek u goedheid aan my aan ander sal gaan uitdeel. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.