Boodskap vir Vandag

Search
Close this search box.
Search

Jesus maak ontbyt

Toe sê Jesus vir hulle: “Kom eet” (Johannes 21:12).

Johannes 21 was nog altyd vir my een van die fassinerendste oomblikke in die Bybel.

Die opgestane Here Jesus maak vir sy geliefde dissipels ontbyt – brood en vis – en Hy nooi hulle om saam met Hom te eet.

Dit is ook in dié Evangelie dat Jesus hulle voete gewas het. Jesus se gasvryheid en diensbaarheid laat ons ongemaklik voel. Dit is ongehoord– in elk geval vir die Skepper van die hemel en die aarde.

Wat beteken Jesus se ontbyt saam met sy dissipels vir ons? Dit help ons om God se ritme van mag te verstaan. Die gedurige omkeer, omdraai, omgooi van hoe ons dink die lewe werk en hoe God moet wees. Jesus bedien sy dissipels. God bedien ons deur Jesus. Maria het iets daarvan verstaan; daarom het sy so baie olie op Jesus se voete uitgegiet. Spontaan en dienend. Sonder om te veel te tob en te wonder.

Dankie, Here, dat U ons leer hoe die lewe werklik werk. Laat ons dien soos U gekom het om te dien, en nie om gedien te word nie. Amen.

Lisel Joubert

Inspirasievennoot

Boodskap vir Vandag is ’n reeks inspirerende elektroniese dagstukkies wat daagliks duisende lesers bereik. Ons doel is om Christene te bemoedig, uit te daag, te ondersteun en te inspireer.

Indien jy nie die daaglikse e-pos ontvang nie, maak asseblief seker dat jou SPAM-filters dit nie verwyder nie.
Jy besoek nou LiG, ons susters-publikasie se webtuiste, propvol inspirerende getuienisse. LiG-getuig: Waar elke getuienis tel. By LiG is ons toegewyd om inspirerende stories te deel wat die hart aanraak en hoop bied. Jy besoek nou ons susters-organisasie se webtuiste, propvol inspirerende getuienisse.

Daaglikse Inspirasie

Die Boodskap vir Vandag-app is nou beskikbaar vir jou selfoon.
Installeer dit vandag nog.